Tswv Lis Vajtshuavmab

Phaj: Npe Laus: Npe Hluas: Wife:

G04  Tswv Lis  Unknown  Unknown

Tub	Ntxhais
Unknown son (Tsov tom tuag thaum yau lawm - no lineage)	Tsabmim Unknown daughter #2 Unknown daughter #3

Personal Information

Tswv Lis yog Zam Tsas tus niam thib ib, Mloua Hawj, tus tub hlob kiag. Tswv Lis thiab Zam Tsas muaj lus tsis sib haum ces sib tiav tsis ua txiv tub. Tswv Lis thiaj li tau mbo siab dhau lawm cia li tag sim neej lawm. Tomqab Tswv Lis tag sim neej lawm nws pojniam coj nws cov menyuam khiav mus raws neej tas lawm. Tswv Lis cov me nyuam ces tsis paub npe vim leej niam coj lawv mus raws neej tsa ntxov ntxov lawm. Tswv Lis muaj ib tug tub xwb tabsis tomqab Tswv Lis tag sim neej es nws pojniam coj cov me nyuam mus yuav txiv tshiab ces thaum tus tub loj hlob tuaj es txog caij xav yuav pojniam lawm ces thiaj li tau noog txiv tshiab. Txiv tshiab hais rau tub hais tias yog yuav kom tus txiv tshiab nta rooj tshoob mas yuav tsum tau kiav xeem mus ua tus txiv tshiab lub xeem tso mas txiv tshiab mam li yuav pojniam rau nws. Tus tub tsis kam ces tomqab ntawd ho muaj ib hnoob Tswv Lis tus tub pom ib co noog loblaig ya los tsaws ntawm ib tsob ntoo nram lawv qab tse ces nws mus nqa hneev es yuav mus tua no ces nws mus ces cia li ploj lawm li. Lawv mam li mus nrhiav ces nrhiav tsis pom li. Lawv txawm nrhiav mus puag tim ib lub dawm es muaj ib lub pob zeb loj ces lawv thiaj li pom tus tub lub tooj npab es nws pheej coj nyob saum lub pob zeb loj loj ntawd. Lawv tsuas nrhiav pom lub tooj npab no xwb hos lub cev ces yeej nrhiav tsis tau li lawm. Tus tub no yeej tsis tau tso plig li txog niaj hnoob no. Tomqab tus tub no tag sim neej lawm ces mam li los ua npau sauv rau lawv hais tias Tswv Lis rov los coj lawm vim nws tsis kam muab tus me nyuam mus kiav xeem ua lwm xeem. Ntev tomqab ces mam li muaj neeg mus pom ib co pob txha nyob pem ib lub qhov tsuas. Kuj xoom xaim hais tias cov pob txha ntawd yog tus tub no cov. Qhov no ces tsis paub tseeb zoo es lam xoom xaim li ntawd xwb. Li no ces Tswv Lis caj ces tu noob lawm. Tswv Lis cov ntxhais kuj muaj neej ua tabsis tsis paub seb lawv mus ua neej rau rooj teb twg lawm. Tomqab no hnov hais tias Tswv Lis cov ntxhais kuj tau tag sim neej tag nrho lawm. Tswv Lis tus pojniam ces dhau mus ua neej tshiab mus yuav hmoob Hawj lawm ces mus yug tau ib tug ntxhais. Tus ntxhais no tuaj nyob rau Fabkis (France).